ការណែនាំអោយស្គាល់ពី HTML

ភាសាHTMLគឺជាភាសាដំបូងនិងជាមូលដ្ឋានគ្រឹះ​សំរាប់បង្កើតWebsite ហើយ គ្រប់ភាសា គ្រប់កម្មវិធីទាំងអស់ ដែលប្រើសំរាប់បង្កើត Website សុទ្ធតែមានភាសា HTMLនៅក្នុង នោះជានិច្ច ។ ដូច្នេះមុននឹងយើងចាប់ផ្ដើមសិក្សាពីភាសាដទៃ អ្នកគួរតែសិក្សាភាសា HTML ជាមុនសិន ។ នៅក្នុងភាសា កូដ HTM L យើងអាចបង្កើត ទំរងនៃអត្ថបទទៅតាម អ្វីដែលយើងចង់បានអាចដាក់នូវរូបភាពបង្កើតតារាង ដាក់ PageLink ពីទំព័រមួយទៅទំព័រមួយ ទៅទំព័រមួយទៀត  Link ទៅកាន់​វ៉ែបសាយ ដាក់នូវ File សំលេង File Video  និងអាចធ្វើអោយអក្សររត់ ឬញាក់បាន ទៀតផង ។

I.  កម្មវិធីដែលប្រើដើម្បីសសេរកូដ HTML

យើងអាចសសេរ ភាសាកូដhtml នៅក្នុងកម្មវិធីជាច្រើន នៅក្នុងនោះមានដូចជា Notepadដែលជាកម្មវិធីរបស់ windowវាមានភាពងាយស្រួល ព្រោះវាមានស្រាប់នៅក្នុងកុំព្យូទ័រ របស់យើងតែម្ដងហើយ ម៉្យាងទៀត វាជួយយើងក្នុងការហាត់រៀនសសេរ អោយបានឆាប់ស្គាល់នូវ tag សំខាន់ ៗ របស់ html  ហើយ មានកម្មវិធីមួយ ចំនួនទៀត ដូចជា Word Processor ឬក៏Text Editor ( Teach Text ឬ​Wordpad ), Microsoft Frontpage ,  Macromedia Dreamweaver ក៏មានកម្មវិធីផ្សេងពីនេះទៀតដែរ ។​

II.        ការសសេរ HTML

បន្ទាប់ពីយើងមានកម្មវិធីណាមួយ ក្នុងចំនោមកម្មវិធីខាងលើរួចហើយ យើងត្រូវការយល់ ពីរការSave File html នោះផងដែរ  ។នៅក្នុងភាសាhtml យើងអាចសសេរអក្សរ តូច ឬ ធំក៏បានដែរ ។  នៅពេលដែលយើងសសេរ កូដ html រួចហើយ បន្ទាប់មកយើងត្រូវការ Save ដែល Extension នោះជា .html or .htm ( EX: xx.html or xx.htm) ។​

          ក្រោយពីយើងបាន Save File របស់យើងត្រឹមត្រូវអស់ហើយ យើងត្រូវការជ្រើសរើស Browser ណាមួយ ដើម្បីធ្វើការដំណើរការ code ដែលយើងបានធ្វើនោះ មានដូចជា Internet Explorer , Mozilla Firefox , Google Chrome  ឬផ្សេងទៀត ។